monumenta.ch > Hieronymus > sectio 15

Word Selection for Searching

Report an Error in this Sectio
Hieronymus, Martyrologium, 7, 15
Idus Iul. In Alexandria, natalis sanctorum Philippi, Zenonis, Nasei, et decem infantium. In Syrmia, natalis sanctorum Agrippini, Secundi, Maximi, Fortunati, Martialis. Iacobi episcopi Nisibini, qui in corpore multa passus est, et multa signa fecit, et arcam Noe solus vidit in monte, nullus alius vidit, qui cum eo erant, nec permissum est videre. In portu Romano, hoc est, in Hiscla, natalis sanctorum Eutropii, Zosimi, et Bonosae sororis eius. In Africa civitate Carthagine, natalis sanctorum, Catholini diaconi, et reliquorum martyrum, qui requiescunt in basilica sanctae Faustae: Ianuariae, Florentii, Pullutanae, Iuliae simul, et Iustae. Corbeia monasterio, exceptio reliquiarum sancti Dionysii, et sociorum eius.